طريقة عمل الكبة السورية

هلأ ان شاء الله لح بعطيكم طريقة الكبة يلي نحنا بنعملها
واغلب الناس بيعملوها بسورية
بس بدكم تركزوا منيح معي وتكونوا عيونكم مفتحين وذهنكم تمام اوكي
so
نبدأ بالمقادير
مقادير عجينة الكبة
- كيلو برغل ناعم
- نصف كيلو لحمة مفرومة ناعمة
- بصلة صغيرة
- ( بهارات + كمون + ملح خفيف )
والملح الخفيف لانو احيانا بيبقى البرغل اصلو مملح

الآن مقادير الحشوة
- كيلو لحمة ( إما ناعمة مفرومة أو ناعمة فقط على السيخ )
- صنوبر
- لوز
- جوز
- سمنة
- بصلة

=======================
نبدأ الآن بتحضير العجينة تبع الكبة
شوفوا
كل كيلو برغل ناعم بدو نصف كيلو لحمة ناعمة مفرومة على الماكينة
اوكي
هلأ بتجيبي البرغل فقط
وبتنقعيه بماء بحدود الثلاث ساعات ((( والزمن بيرجع لنوعية البرغل )))
يعني مو تكتريلو مي
انتبهي يعني تتبيل
حتى فقط البرغلة تصير طرية ومو تبقى خشنة وصلبة

----------------------
هلأ بعد مو مضو الثلاث ساعات تبع البرغل
انتي لح بتلاقي انو البرغل صار طري
بتجيبي البصلة وبتفرميها ناعم جدا ( أو بتبرشيها )
وبعدين بتجيبي البرغل وبتخلطي البصلة معاه
وبتحطيه بالماكينة الخاصة للكبة
واللي هي مو موجودة عندي للاسف
وبتفرميه
بيطلع عندك متل العجينة طرية
هلأ
بتاخدي العجينة وبتضيفي عليهم التوابل المذكورة بالمقادير
وبتظبطي ملحهم كويس
لانو سبق وقلت لك انو احيانا بيجي البرغل من اصلو مملح
وبتعجني كويس بايدك
بتعجني بتعجني بتعجني
حتى لو تعبتي اتحملي
وبعدين غطي العجينة حتى مو تنشف
هيك خلصنا من العجينة وارتحنا

======================
هلأ بنعمل الحشوة
واكيد الحشوة لازم تكوني عاملتيها بالوقت يلي بيكون البرغل فيه منقوع
الحشوة
بتفرمي البصلة ناعم كتير
وبتهوسيها على الغاز حتى تحمر بسمنة
وبتضيفي عليها اللحمة وبتبقي عم تهوسي حتى تستوي اللحمة
هلأ صارت اللحمة جاهزة اوكي
بتجيبي الصنوبر وبتقليه وبتهوسيه حتى يشقر
واللوز نفس الشئ
اما الجوز بتخليه ناشف بدون تهويس
أو اذا بتحبي هوسيه
بس نحنا بنخليه ناشف
هلأ ضيفي كل اللحمة فقط فقط فقط
وبتحطيها بداخل مصفاة
حتى فقط تصفي كل السمنة يلي فيها
لسبب ؟؟
واللي هو ( انو اذا بقت السمنة بقلب اللحمة لح تخلي الكبة تفلش وتخرب
)
هلأ بعد مو صفت اللحمة كل سمنتها
واكيد اكيد بتكون اللحمة سخنة مو باردة لما صفيتيها
صارت اللحمة جاهزة بدون سمنة بتضيفي عليها اللوز والصنوبر والجوز
وبتحطي البهارات يلي بدك ياها وبتظبطي ملحها كويس
وبتحطي الها ملعقتان كبيرتان دبس رمان
((( هذا بيعطيها طعمة حامضة )))
وعلى حسب مو بتحبي الحمض حطي
يعني 2 ملعقة او اكتر حسب االي بتحبيه
هلأ صارت الحشوة ولله الحمد جاهزة وتمام التمام
=====================



صار وقت الكبكبة
بتكوري القرص وبتحشه بالحشوة
ولازم كل فترة وفترة تغسلي ايديكي
وادهني باطن كفك بماء مضاف اليه نشاء
حتى يتماسك قرص الكبة
ومن بعدها اقلي الكبات
بزيت يكون حار جدا جدافي البداية
بعد مو تحطي القرص بالزيت بعد بشوية نوصي الغاز
حتى مو تستوي الكبة من برا وتبقى من جوه نية
ولا تكتري بالمقلاة عدد كبير
يعني خليهم من اثنين الى ثلاث كبات
=========================
ملاحظة
1- لازم العجينة تكون كل فترة عمل الكبة مغطاية حتى مو تنشف
2- والكبات يلي كورتيهم حطيهم بصينية وغطيها بكيس نايلون من بداية الصينية
يعني مو تعرضيهم للهواء ابدا
حتى مو ينشف القرص ويفلش بالقلي لاسمح الله
3-اذا حسيتي انو القرص قبل مو تحطيه بالزيت مفلش شوي
ظبطيه بايدك وتكون مبلولة بماء نشاء عادي
وبيركز وحطيه بالزيت
==================================
أما الكبة المشوية
فقط الحشوة تبعها هي لية
وبتشويها على المنقل
واكيد طريقة تكويرها بتختلف
========================
تعبتوا مو هيكي
هي الكبة بدها شغل كتير
ومشهورين نحنا السوريين بمساواتها
على كل الف صحة وهنا
ويا رب تكونوا فهمتوا كويس عليي
--------------
واي سؤال جاهزة بالرد
لانو الطريقة هي طريقتنا ومو منقولة
وهيكي كلنا بنعملها
ويا رب الكل يستفيد
وادعولي
بالتيسير وتحقيق يلي في بالي بما يرضي الله
وهلا فيكم

مولتن-لافا-كيك-بالشيكولاته-8325/وصفات#ixzz289Q2Na9Q

المقادير
مقاييس اميركية مقاييس اوروبية

للكيكة:
٥٠ غرام سكر ناعم
٥٠ غرام شوكولا، (نصف تحلية ) مكسرة
٥٠ غرام زبدة، مكعبات في درجة حرارة الغرفة
٥٠ غرام دقيق أبيض، متعدد الاستعمالات منخول
١ بيضة، في درجة حرارة الغرفة
للتقديم:
٤ ملعقة كبيرة أيس كريم فانيلا
٢ ملعقة كبيرة فستق حلبي مطحون، خشن
٢ ورقة نعناع، أخضر
لدهن القالب:
٢ ملعقة صغيره زبدة مذوبة
٤ ملعقة صغيره بودرة الكاكاو
طريقة التحضير

١. نضع السكر، الشوكولا والزبدة في وعاء زجاجي ونذوبهم معاً في المايكرويف لمدة 40 ثانية.

٢. نخرج الخليط من المايكرويف ونقلبه جيداً ثم نضيف البيضة ونقلب جيداً، نضيف الدقيق ونقلب الخليط جيدا حتى يتجانس.

٣. ندهن عدد 2 من قوالب الكب كيك المفردة التي تصلح للفرن بالزبدة ثم نرش بودرة الكاكاو داخل القوالب حتى يتغطى كامل سطح القالب من الداخل.

٤. نوزع خليط العجينة على القالبين بالتساوي مع عدم ملء القالب كاملا وترك ارتفاع 1 سنتميتر لارتفاع العجينة اثناء الخبز.

٥. تغطى القوالب بالنايلون وتترك في الثلاجة لمدة ساعة.

٦. تدخل الفرن المحمى على درجة حرارة 200 مئوية لمدة 14 دقيقة( يرجى التقيد بالوقت )، تخرج من الفرن وتقلب في طبق التقديم.

٧. نضع 2 ملعقة ايس كريم فوق كل قطعة ونرش 1 ملعقة كبيرة من الفستق الحلبي وتزين بعرق من النعناع الاخضر وتقدم فوراً.

اقتراحات

تقدم ساخنة، يمكن ايضا تزيين الايس كريم بصوص الشوكولا وحبات الفراولة الطازجة.
مدة الخبز لا تزيد عن 14 دقيقة حتى نحتفظ بقوامها الداخلى سائلا.


Read more: http://shahiya.com/ar/مولتن-لافا-كيك-بالشيكولاته-8325/وصفات#ixzz289Q2Na9Q

ههههههههههههههههههههههه وأخيراً صرتي تعرفي كيف تعملي كبه؟؟
:يسلمو ياقمر:

يسلمووووا

يسلمووووووووووووا
روعةةةةةةةةةةة
لا تحرمينااا يا عمري

مع كل الحب
لانااااااا

يمييييييييي روعة

يسلمووواااا